Fjarkennsla í beinni

Hvernig fer Fjarkennsla í beinni fram?

Fjarkennslan okkar fer fram í beinni útsendingu sem þýðir einfaldlega að þú getur tekið þátt í kennslustundinni algjörlega óháð staðsetningu. Hvort sem þú býrð á höfuðborgarsvæðinu og hefur ekki tök á að mæta í kennslustofuna, úti á landi eða erlendis, það skiptir ekki máli.

► ATH!! Við viljum vekja sérstaka athygli á að fjöldi nemenda í hverjum bekk er að hámarki 18, óháð því hvort nemendur eru í staðnámi eða fjarkennslu í beinni. Þetta er gert til þess að viðhalda því háa þjónustustigi sem við bjóðum á öllum okkar námskeiðum og námsbrautum.

► Nemandi í fjarkennslu í beinni á alltaf sitt sæti í kennslustofunni. Það þýðir, að fjarkennslunemandi getur alltaf mætt á staðinn og sest í sætið sitt. Að auki ber að nefna að fjöldi nemenda fer aldrei yfir þann fjölda sem sæti í kennslustofunni telja. Fjarkennslunemendur eru á allan hátt jafngildir nemendum sem eru í staðnámi og eru á engan hátt viðbót við þá sem eru fyrir í kennslustofunni. Allir nemendur fá jafn mikla athygli frá kennaranum, hvort sem þeir eru í fjarkennslu eða á staðnum.

Til að vera með þarftu einfaldlega að opna tölvupóst sem við sendum þér og smella á tengil sem þar er að finna og þar með ertu komin/-nn inn í kennslustofu hjá okkur sem fullgildur nemandi. Þú sérð og heyrir allt sem fram fer í kennslustofunni; kennarann, skjá kennarans, töfluna og samnemendur. Þú getur tekið beinan þátt í kennslunni, í umræðum eða með því að leggja fram munnlegar fyrirspurnir. Þar að auki getur þú sjálf/-ur verið sýnilegur í stofunni sértu með vefmyndavél en athugið að það er ekki skilyrði.

Áður en námskeiðið hefst færðu sendar kennslubækur og stundatöflu. Próf eru einnig tekin beint sé um diploma nám að ræða sem krefjast prófa.

Umsagnir nemenda

► Fjóla sem var að ljúka Framabraut-Skrifstofuskóla nýtti sér bæði staðkennslu og fjarkennslu í beinni hafði þetta að segja:

"Ég er á  allan hátt mjög ánægð með þetta nám. Vegna aðstæðna þá þurfti ég að nýta mér bæði að vera á staðnum og í fjarkennslu í beinni sem mér finnst vera stór plús við þennan skóla. Ég átti mitt sæti og mína tölvu í kennslustofunni og gat þá komið þegar mér hentaði. Þegar ég  var á staðnum þá var upplifunin af fjarnemum bara jákvæð og alls ekki truflun, bara gaman að heyra og vita af fólki á línunni. Svo kom það fyrir að fjarnemar utan af landi komu í bæinn og sátu þá í tímanum með okkur og það var mjög skemmtilegt.
Fyrir mig var það Fjarkennslan í beinni sem hafði úrslitaáhrif á það hvaða nám og skóla ég valdi. Það hefur verið ómetanlegt að hafa þennan sveigjanleika í boði. Ég ætla að bæta við mig og fara á Bókaranám framhald og ætla  að nýta mér að einhverju leiti fjarkennsluna. Takk fyrir mig."

► Sjá fleiri umsagnir nemenda um fjarkennsluna í beinni

Hvaða búnað þarf ég að hafa til að taka þátt?

Eftirfarandi búnað þarf að hafa til að geta tekið þátt í Fjarkennslu í beinni:

• tölva
• nettenging (ath. 3G tenging er ekki nóg)
• head-set með hljóðnema mikill kostur
• auka skjár - mikill kostur (ath. að í sumum námskeiðum er nauðsynlegt að hafa auka skjá)
• vefmyndavél (ath á aðeins við ef þú vilt vera sýnileg/-ur í stofunni)
• kennslubækur (kennslubækur eru innifaldar í námskeiðisgjaldi) og eru sendar til fjarnema áður en námskeið hefst

Hvaða námskeið eru í boði í Fjarkennslu í beinni?

All flest námskeið skólans eru í boði í Fjarkennslu í beinni. Skoðaðu það námskeið sem þú hefur áhuga á að taka og leitaðu eftir Fjarkennslumerkingunni.

Fyrir hverja er Fjarkennsla í beinni?

Fjarkennsla í beinni er fyrir alla sem hafa áhuga á að taka námskeið hjá okkur, hvort sem þú ert staðsett/-ur heima í stofu, á bókasafninu eða í fundarherberginu á vinnustaðnum þínum.

Nemendur í "beinni" hafa m.a. komið frá Hellissandi, Ólafsvík, Bíldudal, Sauðárkróki, Dalvík, Ársskógsströnd, Akureyri, Vík, Vestmannaeyjum, Egilsstöðum, Sandgerði, Reykjavík, Kaupmannahöfn, Dublin, Róm og Barcelona.

Sjá umsagnir nemenda hér

Hvernig fá fjarnemendur námsefnið?

Námsefni er innifalið í námskeiðisgjaldi (nema annað sé sérstaklega tekið fram). ATH! Námsefni er sent í pósti til fjarnemanda (nema óskað sé eftir öðru) og greiðist sendingarkostnaður af viðtakanda.

Upptökur - Fræðsluskýið

 

Nú bjóðum við einnig upp á upptökur frá kennslustundum í nokkrum námskeiðum. Nemendur fá aðgang að Fræðsluskýinu og þar með upptökunum ásamt öðru ítarefni frá kennara.