GDPR nýir tímar í umgengni persónuupplýsinga

Fyrir hverja?

Námskeiðið er gagnlegt fyrir alla sem bera ábyrgð á meðhöndlun persónuupplýsinga hjá fyrirtækjum og stofnunum sem og þá sem hafa áhuga á að kynna sér þær áhugaverðu breytingar sem eru að eiga sér stað á sviði persónuverndar. Námskeiðið er því sérstaklega hagnýtt fyrir stjórnendur og millistjórnendur óháð atvinnugrein.

Markmið

Þátttakendur ættu, að loknu námskeiði, að hafa öðlast aukinn skilning á innihaldi og gildissviði nýju persónuverndarlöggjafarinnar, þekkja helstu heimildir fyrirtækja á vinnslu persónuupplýsinga og öðlast þekkingu á því hvaða réttindi einstaklingar hafa með tilkomu þessa nýju laga.

Viðfangsefni

Á námskeiðinu verður farið yfir eftirfarandi þætti:

• Hverjar eru meginreglur gildandi persónuverndarlaga og hvaða helstu breytingar eiga sér stað við innleiðingu á nýju reglugerðinni.
• Gildissvið laganna.
• Hvað teljast persónuupplýsingar í skilningi laganna og hvaða heimildir hafa fyrirtæki til að vinna þessar upplýsingar.
• Skyldur fyrirtækja um gagnsæi vinnslu, hvenær er þörf á gerð vinnsluskráa (IPA) og hvaða reglur gilda um öryggisbrot.
• Aukinn réttur einstaklinga til að hafa áhrif á vinnslu sinna persónuupplýsinga. Farið verður yfir þætti eins og samþykki einstaklinga, rétt þeirra til að gleymast og/eða flytja gögn sín sem og andmælarétt.
• Hlutverk persónuverndafulltrúa og eftirlitsaðila.

Kennslan

Leiðbeinandi er Linda B Stefánsdóttir. Linda er með meistarapróf í alþjóðalögum og hefur lokið námskeiði hjá IAPP International Association of Privacy Professionals um nýju persónuverndarlöggjöfina. Linda starfar sem SAM ráðgjafi (senior consultant) hjá Crayon ehf. og hefur í tengslum við tilkomu nýju persónuverndarlöggjafarinnar sérhæft sig í aðstoða fyrirtæki við að meta stöðu sína gagnvart nýju löggjöfinni. Áður starfaði Linda hjá Microsoft í Noregi sem SAM Engagement Manager. 

 Kennslan fer fram í formi fyrirlesturs og umræðna. 

Staðnám eða fjarkennsla í beinni - þitt er valið!

Þetta námskeið er kennt hjá okkur í Skeifunni en athugið að einnig er hægt að taka þátt í fjarkennslu í beinni útsendingu. Það þýðir einfaldlega að þú getur tekið þátt í kennslustundinni algjörlega óháð staðsetningu. Hvort sem þú býrð á höfuðborgarsvæðinu og hefur ekki tök á að mæta í kennslustofuna, úti á landi eða erlendis, það skiptir ekki máli.

Við viljum vekja sérstaklega athygli á að hægt er að stunda bæði staðnám og fjarnám á sama námskeiðinu, þ.e. mæta stundum á staðinn og stundum vera á línunni, allt eftir því hvað hentar hverjum nemanda.

Kynntu þér nánari upplýsingar um fjarkennsluna í beinni ►