Teymisvinna með Office 365 - Vinnustofa

  • Morgunhópur

    Skráningarfrestur 2. des '18
    Lengd 6 std. - 1 skipti
    Verð 22.000 kr.

Í þessari vinnustofu er lögð áhersla á það hvernig nýta megi lausnir í Office 365 til árangurs í teymisvinnu. Farið verður ítarlega í nýjustu möguleika í Microsoft Outlook, Teams, Planner, Delve og OneDrive og hvernig nýta megi Word, Excel, PowerPoint, OneNote og Sway í því samhengi. Lögð er sérstök áhersla á nýjungar og praktíska nálgun í verkefnavinnunni á því hvernig best er að vinna með lausnina, í teymisvinnu, skipulagi verkefna og samstarfi innanhúss og utan..

Fyrir hverja?

Vinnustofan er sérstaklega gagnleg öllum sem nota eða hyggjast nota Office 365 í starfi og vilja kynna sér hina ýmsu möguleika sem þessi verkfæri bjóða upp á í samvinnu og teymisvinnu. Vakin er sérstök athygli að því að hægt er að sérsníða vinnustofuna fyrir ákveðna hópa innan fyrirtækis (stjórnendur, sölufólk, markaðssvið, þjónustudeild osfrv).

Markmið

Í lok námskeiðs getur þátttakandi:

  • Nýtt Microsoft Office 365 lausnir í teymisvinnu.
  • Skilið hvað er innifalið í Office 365 lausnarsvítunni.
  • Skilið samvinnu einstakra lausna og einnig muninn á þeim.
  • Skilið hvernig best er að vinna með Office 365 svítuna.
  • Sett upp vinnusvæði á OneDrive, stillt og deilt upplýsingum í takt við þarfir.
  • Nýtt Teams í samvinnu við aðrar lausnir og sett upp verkefni í Planner.
  • Sett upp sitt svæði á Delve, skilið leit og samþættingu.
  • Skilið hvernig hægt er að nota Outlook, Word, Excel, PowerPoint, Sway, OneNote, Teams, Planner, Delve og OneDrive til árangurs í teymisvinnu og samstarfi.

Viðfangsefni

Í vinnustofunni er farið yfir eftirfarandi þætti:

  1. Almennt um Office 365 og teymisvinnu
  2. Samvinna með Teams
  3. Skipulag verkefna með Planner
  4. Samvinna og OneDrive
  5. Teymisvinna með Outlook, Word, Excel, PowerPoint, Sway og OneNote

Að auki er farið létt yfir aðra möguleika (SharePoint, PowerBI, Flow, Dynamics 365, Talent ofl.)

Námsmat

Ekki eru lögð fyrir formleg próf en leiðbeinandi fer vel yfir það með þátttakendum í lokin sem hefur áunnist á námskeiðinu.

Kennsluaðferð

Kennsla fer fram í formi fyrirlesturs ásamt því að mikil áhersla er lögð á verkefnavinnu þar sem þátttakendur vinna með leiðbeiningu frá kennara.

Staðnám eða fjarkennsla í beinni - þitt er valið!

Fjarkennsla í beinniÞetta námskeið er kennt hjá okkur í Skeifunni en athugið að einnig er hægt að taka þátt í fjarkennslu í beinni útsendingu. Það þýðir einfaldlega að þú getur tekið þátt í kennslustundinni algjörlega óháð staðsetningu. Hvort sem þú býrð á höfuðborgarsvæðinu og hefur ekki tök á að mæta í kennslustofuna, úti á landi eða erlendis, það skiptir ekki máli.

Við viljum vekja sérstaklega athygli á að hægt er að stunda bæði staðnám og fjarnám á sama námskeiðinu, þ.e. mæta stundum á staðinn og stundum vera á línunni, allt eftir því hvað hentar hverjum nemanda.

Kynntu þér nánari upplýsingar um fjarkennsluna í beinni ►

Annað

Greiðslur: Hægt er að greiða í gegnum Netgíró, Pei (staðgreiðsla og dreifing) og bjóðum við einnig upp á VISA/MasterCard staðgreiðslulán til allt að 36 mánaða. Einnig bjóðum við nú upp á vaxtalausar léttgreiðslur í allt að 6 mánuði.
Styrkir: Flest stéttarfélög og fagfélög styrkja félagsmenn sína myndarlega til náms hjá okkur. Kannaðu rétt þinn hjá þínu félagi.

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

 

Flokkur Dags. Dagar Tími Verð