Margmiðlunarsmiðjan

  • Síðdegishópur

    Dags. 2. okt '19 - 16. des '19
    Dagar mán, mið
    Tími 12:30-16:00
    Lengd 120 std. - 23 skipti
    Verð 34.000 kr.
Margmiðlunarsmiðjan

Námsbrautin er unnin í samvinnu við símenntunarmiðstöðina Framvegis og er styrkt af Fræðslumiðstöð atvinnulífsins. Þess vegna er hægt að bjóða þessa frábæru námsbraut á hreint ótrúlegu verði eða 34.000 kr. (heildarvirði námsins er 179.000 kr). Námið er 120 kennslustundir (80 klst) og er metið til allt að 10 eininga til stúdentsprófs. Ath að námsbrautin er ætluð fólki sem er 18 ára og eldra og hefur ekki lokið námi í framhaldsskóla. 

Fyrir hverja?

Margmiðlunarsmiðjan er fyrir byrjendur í grafískri vinnslu og myndbandagerð og alla þá sem vilja bæta við sig gagnlegri kunnáttu og færni á þessu sviði. Námið er frábært fyrir þá sem hafa brennandi áhuga á grafískri vinnslu og hafa áhuga að starfa á þeim vettvangi. Þetta nám er einfaldlega fyrir alla sem vilja bæta við sig gagnlegri kunnáttu í margmiðlun sem koma mun flestum fyrirtækjum til góðs. Námið er hentugt fyrir þá sem stefna á áframhaldandi nám á framhaldsskólastigi og einnig þá sem vilja styrkja kunnáttu sína og styrkja ferilskrá með þekkingu sem ekki margir hafa.

Inntökuskilyrði

Þátttakendur þurfa að hafa góða almenna tölvukunnáttu en ekki er krafist þekkingar á forritum sem tekin eru fyrir á námskeiðinu þar sem þau eru öll kennd frá grunni. Nemendur þurfa að hafa náð 18 ára aldri og hafa ekki lokið námi í framhaldsskóla.

Markmið

Markmið Margmiðlunarsmiðju er að gera nemendur reiðubúna til að takast á við störf eða áframhaldandi nám í margmiðlun sem snýr að skjámiðlum. Nemendur læra grafík og hreyfimyndagerð fyrir skjámiðla eins og sjónvarp og internet bæði í tvívídd og í þrívídd,. Nemendur muna læra myndvinnslu og auglýsingagerð í Photoshop og 3D hönnun á persónum, hlutum og byggingum í Maya. Að auki verður farið í samsetningu og vinnslu á hreyfimyndum í After Effects sem hægt er að nota í m.a. í sjónvarpsauglýsingar, vefauglýsingar og hreyfimyndir fyrir skjámiðla almennt. 

Að loknu námskeiði getur þáttakandi:

  • Unnið með myndefni til notkunar í hreyfimynd
  • Öðlast þekkingu og færni í þrívíddarvinnslu
  • Skilgreint helstu hugtök þrívíddarvinnslu
  • Undirbúið og skipulagt vinnu við eftirvinnslu og klippingu hreyfimynda
  • Gengið frá hreyfimynd til birtingar á skjámiðlum
  • Þekkt mismunandi snið myndbanda
  • Geti gengið frá klippingu og lokasamsetningu myndbanda.

Viðfangsefni

Megin viðfangsefni eru:

  • Myndvinnsla
  • 3D hönnun á persónum, hlutum og byggingum
  • Eftirvinnsla og samsetning hreyfimynda 

Námsmat

Ekki eru lögð fyrir formleg próf en lögð áhersla á að kennari og nemendur fari reglulega yfir það sem hefur áunnist auk þess sem krafist er að nemendur sæki a.m.k. 80% kennslustunda. Nemendur gera lokaverkefni undir handleiðslu kennara.

Annað

Mætingaskylda: 80% af heildarfjölda kennslustunda.
Greiðslukjör: Bjóðum upp á VISA/MasterCard staðgreiðslulán til allt að 36 mánaða. Einnig bjóðum við nú upp á vaxtalausar léttgreiðslur í allt að 6 mánuði.
Styrkir: Flest stéttarfélög og fagfélög styrkja félagsmenn sína myndarlega til náms hjá okkur. Kannaðu rétt þinn hjá þínu félagi.

*Vakin er athygli á því að framhaldsskólum er í sjálfsvald sett hvernig þeir meta námið.

►Námskráin: Nánari upplýsingar um námskrá Fræðslumiðstöðvar atvinnulífsins má finna hér ►

►Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

Flokkur Dags. Dagar Tími Verð
Staðarnám 02.10. 2019 -
16.12. 2019
mán, mið 12:30-16:00 34.000 kr. Skráning
Fjarkennsla í beinni 02.10. 2019 -
16.12. 2019
mán, mið 12:30-16:00 34.000 kr. Skráning