Myndbandavinnsla / Adobe Premiere Pro
Sérlega gagnlegt námskeið fyrir þá sem hafa áhuga á að búa til og vinna með myndbönd. Kennt er á Adobe Premiere Pro sem er talið eitt fullkomnasta forritið í klippingu og í allri eftirvinnslu myndbanda. Athugið að kunnáttu í þessu forriti er hægt að yfirfæra á flest önnur vinsæl forrit á þessu sviði (iMovie, MovieMaker, Sony Vegas Pro, Pinnacle, Final Cut pro ofl.).
Markmið
Að loknu námskeiði getur þátttakandi:
- sett inn efni í Premiere unnið með það og flutt yfir í hvaða form sem er
- undirbúið og skipulagt vinnu við eftirvinnslu og klippingu
- klippt saman mynd og hljóð og senu ásamt því að kliippa senu sem kennari úthlutar
- gengið frá myndböndum til birtinga á vef eða hverjum þeim miðli sem þörf krefur
- gengið frá myndböndum til birtinga á vef eða hverjum þeim miðli sem þörf er
Viðfangsefni
Námskeiðið byggir að mestu á raunhæfum verklegum æfingum í forritinu og verður unnið með sérstakt æfingaefni sem kennari úthlutar þannig að þátttakendur þurfa ekki að koma með eigið efni.
Megin viðfangsefni eru:
- Efni sett inn í Premiere og unnið með það og það flutt i hvaða form sem er, Youtube, Vimeo eða sjónvarp
- Farið er ítarlega í allar stillingar í Premiere s.s. Toggle animation, Motion, Crop, Postition, Scale, Rotation, AncorPoint, Opacity, Multi-Camera, Warp Stabilizer, Transitions, Speed/Duration, Audio Gain, Field Order ofl.
- Grundvallaratriði í litaleiðréttingu
- Vinna með hljóðeffecta
Fyrir hverja?
Námskeiðið er aðallega ætluð byrjendum á sviði myndbandavinnslu. Ekki er krafist þekkingar á Adobe Premiere Pro (eða neinu öðru forriti sem notað er í myndbandavinnslu) þar sem það er tekið frá grunni.
Námsefni
Allt kennsluefni innifalið. Stuðst er við kennslubókina Adobe Premiere Pro CS6 - Classroom in a book útgefin af framleiðanda Photoshop (rafræn bók). Einnig fá þátttakendur úthlutað sérútbúnu kennsluefni frá kennara.
Staðnám eða fjarkennsla í beinni - þitt er valið!
Þetta námskeið er kennt hjá okkur í Skeifunni en athugið að einnig er hægt að taka þátt í fjarkennslu í beinni útsendingu. Það þýðir einfaldlega að þú getur tekið þátt í kennslustundinni algjörlega óháð staðsetningu. Hvort sem þú býrð á höfuðborgarsvæðinu og hefur ekki tök á að mæta í kennslustofuna, úti á landi eða erlendis, það skiptir ekki máli.
Við viljum vekja sérstaklega athygli á að hægt er að stunda bæði staðnám og fjarnám á sama námskeiðinu, þ.e. mæta stundum á staðinn og stundum vera á línunni, allt eftir því hvað hentar hverjum nemanda.
Kynntu þér nánari upplýsingar um fjarkennsluna í beinni ►
Annað
►Greiðslur: Hægt er að greiða í gegnum Netgíró (staðgreiðsla og dreifing) og bjóðum við einnig upp á VISA/MasterCard staðgreiðslulán til allt að 36 mánaða. Einnig bjóðum við nú upp á vaxtalausar léttgreiðslur í allt að 6 mánuði.
►Styrkir: Flest stéttarfélög og fagfélög styrkja félagsmenn sína myndarlega til náms hjá okkur. Kannaðu rétt þinn hjá þínu félagi.
►Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.