dk - Skuldunautar og innheimtukerfi
Skuldunautanámskeið dk er fyrst og fremst hugsað fyrir þá sem sinna samskiptum við skuldunauta fyrirtækis, bókhaldi og innheimtu.
Á þessu hnitmiðaða námskeiði í skuldunautakerfi dk læra þátttakendur á alla helstu þætti skuldunautaeiningarinnar og hvernig hægt er að nýta það til innheimtu.
Öll námsgögn eru á staðnum.
Námskeiðið er unnið í samstarfi við dk hugbúnað og eru kennarar námskeiðsins starfsmenn þar.
Markmið
Í lok námskeiðs getur þátttakandi:
- Stofnað skuldunauta og nýtt sér ýmsar flokkanir og greiðsluskilmála
- Nýtt sér uppflettingar og skýrslur kerfisins
- Sett upp og notað innheimtukerfi banka
- Sett upp milliinnheimtu og dráttarvexti
- Tekið út reikningsyfirlit
Viðfangsefni
átttakendur munu læra:
- Að stofna skuldunauta
- Uppsetningu kerfis, s.s flokkanir og greiðsluskilmála
- Uppflettingar og skýrslur
- Á innheimtukerfi banka
- Um milliinnheimtu og dráttarvexti
- Að taka út reikningsyfirlit
Námsefni
Handbók um skuldunauta- og innheimtukerfi dk og aðgangur að dk kennslugögnum í tölvum Promennt.
Staðnám eða Fjarkennsla í beinni - þitt er valið!
Þetta námskeið er kennt hjá okkur í Skeifunni en athugið að einnig er hægt að taka þátt í Fjarkennslu í beinni útsendingu. Það þýðir einfaldlega að þú getur tekið þátt í kennslustundinni algjörlega óháð staðsetningu. Hvort sem þú býrð á höfuðborgarsvæðinu og hefur ekki tök á að mæta í kennslustofuna, úti á landi eða erlendis, það skiptir ekki máli.
Við viljum vekja sérstaklega athygli á að hægt er að stunda bæði staðnám og fjarnám á sama námskeiðinu, þ.e. mæta stundum á staðinn og stundum vera á línunni, allt eftir því hvað hentar hverjum nemanda.
Þetta námskeið er ekki tekið upp.
Athugið að fjarnemar þurfa að setja upp dk hugbúnað á sinni tölvu og munu fá leiðbeiningar þess efnis fyrir upphaf námskeiðs.
Kynntu þér nánari upplýsingar um Fjarkennsluna í beinni ►
Mikilvægar upplýsingar
►Greiðslur: Bjóðum upp á VISA/MasterCard staðgreiðslulán til allt að 36 mánaða. Einnig bjóðum við nú upp á vaxtalausar léttgreiðslur í allt að 6 mánuði.
►Styrkir: Flest stéttarfélög/fræðslusjóðir/Vinnumálastofnun niðurgreiða námskeið hjá Promennt. Styrkurinn fer eftir rétt hvers og eins og getur numið allt að 90% (hafa ber í huga að þetta er þó misjafnt eftir stéttarfélögum/fræðslusjóðum).
►Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.