Framabraut - Kerfisstjórnun

  • "Námið nýttist vel í að skipta um starfsvettvang."
    Námið hefur endurnýjað kynni mín við upplýsingatækniheiminn og kynnt mig fyrir nýjungum sem ég hreinlega vissi ekkert um.
    Brynjólfur Pétursson, Framabraut-Kerfisstjórnun
  • „Ekkert smá flott námsbraut!“
    „Ekkert smá flott námsbraut! Er ekki frá því að þetta sé flottara en sambærilegt nám í Rafiðnaðarskólanum fyrir 15 árum síðan sem kom okkur mörgum af stað og mér sýnist verðið líka vera lægra. Til hamingju með þetta.“
    Emil Örn Víðisson, öryggisráðgjafi hjá Sensa (CISSP, MCSE, CCA, RSA CSE, SFCP, Cisco Routing and Switching Sales Specialist)
  • „Þessi námsbraut lítur virkilega vel út“
    Hún tekur á nær öllum þáttum daglegs starfs kerfisstjóra hjá miðlungsstóru fyrirtæki og upp úr. Ég man ekki eftir að hafa séð svona heilstætt og markvisst kerfisstjóranám áður.
    Bergþór Hauksson, tölvunarfræðingur og eðlisfræðingur, Segment product owner in production hjá CCP, fyrrum forstöðumaður upplýsingatæknisviðs hjá Sjóvá.
  • Kvöldhópur

    Dags. 2. feb '21 - 12. des '21
    Dagar þri, fim
    Tími 17:30-21:00
    Verð 1.199.000 kr.

Í nýuppfærðri námsbraut Framabraut-Kerfisstjórnun er þörfum atvinnulífsins mætt. Starf kerfisstjóra hefur tekið miklum breytingum undanfarið en námsbrautin er uppfærð reglulega í takt við þarfir vinnumarkaðarins. Stóraukin áhersla í atvinnulífinu á notkun skýjalausna kallar á þjálfun fólks á nýjum vettvangi. Promennt aðlagar námið að nýjum aðstæðum og má þar nefna sérstaka áherslu á þjónustu, öryggismál og skýjaþjónustur Microsoft og Amazon en námsbrautin var uppfærð síðast sumarið 2020.

Framabraut-Kerfisstjórnun er virkilega öflug námsbraut í kerfisstjórnun hjá Promennt. Námsbrautin er unnin í samstarfi við Microsoft og var sett upp í samvinnu við mörg af stærstu upplýsingatæknifyrirtækjum á Íslandi með þarfir þeirra í huga. Námsbrautin hefur fengið gríðarlega góðar viðtökur bæði nemenda og atvinnumarkaðarins, en mjög margir nemendur okkar hafa hafið störf á nýjum vettvangi eftir námið. Verð fyrir námsbrautina er 1.199.000 kr. og eru innifalin fjögur alþjóleg Microsoft próf.

Stígðu þín fyrstu skref í tækniheiminum

Sérstaklega mikil eftirspurn er eftir fólki með sérfræðimenntun og sérfræðiþekkingu í upplýsingatækni um þessar mundir og leita íslensk fyrirtæki í sívaxandi mæli eftir starfsfólki í nemendahópi Promennt. Til þess að gera fólki kleift að kynnast þessum spennandi markaði bjóðum við hjá Promennt upp á þessa geysilega öflugu tveggja anna námsbraut í kerfisstjórnun sem samanstendur af 6 námseiningum, alls 541 kennslustund. Með þessu námi er hægt að byrja alveg á byrjuninni og byggja upp góða undirstöðu og grunn fyrir mjög kröfuhörðar námseiningar sem á eftir koma. Að loknu námi á Framabraut-Kerfisstjórnun eiga nemendur möguleika á að öðlast 2 alþjóðlegar prófgráður sem eru sérlega mikilvægar að hafa í farteskinu þegar sækja á um vinnu í upplýsingatæknigeiranum. 

Fyrir hverja?

Um er að ræða mjög gagnlega og áhugaverða námsbraut sem gerir talsverðar kröfur til nemenda. Þetta nám hentar þeim sem hafa áhuga á að gera sér frama á upplýsingatæknisviði með kerfisstjórnun sem aðalgrein. Námið er því upplagt fyrir byrjendur í upplýsingatækni þar sem hvorki er krafist reynslu né annarrar menntunar á sviði upplýsingatækni. 

Sterk tenging við atvinnulífið - góð atvinnutækifæri!

Námsbrautin er unnin í samvinnu við nokkur af sterkustu tæknifyrirtækjum á Íslandi og má sem dæmi nefna Origo, Opin Kerfi, Advania og Sensa. Fyrirtækin hafa komið að námsbrautinni á mismunandi hátt, ýmist með því að leggja til sérfræðiþekkingu í formi kennslu, taka á móti nemendum í húsakynnum sínum og gefa þeim tækifæri á að kynnast starfinu sem kerfisstjóri eða netstjóri enn betur. Síðast en ekki síst hafa fjölmargir nemendur á Framabraut-Kerfisstjórnun fengið starf hjá þessum fyrirtækjum að loknu námi.

Úrvalslið kennara - lærðu af þeim bestu!

Allir kennarar Promennt á Framabraut-Kerfisstjórnun eiga það sameiginlegt að búa yfir gríðarlega mikilli reynslu í upplýsingatækni og hafa þar að auki Microsoft Certified Trainer gráðu frá Microsoft. Enn frekar erum við stolt af því að hafa í kennaraliðinu þá tvo einu Íslendinga sem bera meistaragráðu frá Microsoft (Microsoft Certified Master) í Active Directory og Messaging.

Eina Microsoft og Amazon (AWS) vottaða fræðslufyrirtækið á Íslandi
Við viljum vekja athygli á því að Promennt er eina fræðslufyrirtækið á Íslandi sem er með sérstaka vottun fræðsluaðila frá Microsoft og Amazon Web Services, en til þess að öðlast slíka viðurkenningu þarf að uppfylla mjög ströng gæðaskilyrði bæði Microsoft og Amazon. Þar má t.d. nefna sérstaklega öflugan vélbúnað, sérsniðið vottað námsefni, úrvals aðstöðu og kennara með svokallaðar MCT gráður (Microsoft Certified Trainer).

Viðfangsefni

Undirbúningur: Námstækni ► 10 kennslustd.

Í upphafi náms er nemendum kennd námstækni með aðstoð skýjalausnarinnar Microsoft Office 365 og hljóta þeir þjálfun í aðferðum sem nýtast þeim í námi. Nemendur læra að nota Office 365 við skipulagningu námsins, teymisvinnu og samvinnu almennt. 

1. hluti: Netkerfi / Networking ► 50 kennslustd.

Í fyrsta hluta námsbrautarinnar er farið yfir grunnatriði í vinnu við netkerfi (Networking) sem er nauðsynleg undirstaða fyrir seinni einingar framabrautarinnar. Stuðst er að mestu við námsefnið Network+ frá Comptia.

2. Hluti: Windows 10 ► 50 kennslustd.

Annar hluti námsbrautarinnar fjallar um hvernig á að þjónusta og stilla Windows 10 skjáborð í fyrirtækjaumhverfi. Nemendur munu öðlast þekkingu á að setja upp, sérsníða og uppfæra Windows 10 stýrikerfi. Nemendur munu jafnframt læra að vinna með gögn, tengingu við mismunandi tæki sem og hvernig á að stilla nettengingu fyrir Windows 10, öryggismál og verndun gagna. Nemendur læra einnig hvernig á að tryggja Windows 10 stýrikerfið og vernda gögnin á tækinu. Að lokum læra nemendur hvernig á að stjórna og villuleita Windows 10.

3. hluti: Azure admin ► 50 kennslustd.

Á þessu námskeiði læra nemendur að stjórna Azure aðgangi, auðkenningu, setja upp og stilla sýndarnet og að tengja Azure og staðbundnar vélar. Einnig að stjórna netumferð, innleiða geymslulausnir, búa til og skala sýndarvélar.

4. hluti: Windows Server 2019 ► 80 kennslustd.

WS-011T00 Windows server Administrator 50 kennslustundir

WS-012T00 Windows server 2019 Hybrid And Azure iaas 30 kennslustundir

Í þessum hluta er farið í Windows Server 2019 í nútíma skýja-umhverfi.

5. hluti: Managing Modern Desktops  ► 50 kennslustd.

Á þessu námskeiði munu nemendur læra hvernig á að skipuleggja og innleiða stefnu fyrir hugbúnaðardreifingu með nútíma dreifingaraðferðum og hvernig á að útfæra uppfærsluáætlun. Á námskeiðinu verður einnig farið yfir það hvernig á að innleiða Microsoft Intune inn í tölvuumhverfið. Nemendur læra aðferðir til að dreifa og stjórna forritum sem og forritum sem vafrinn byggir á. Nemendur verða kynntir fyrir lykilhugtökum í öryggi í nútíma stjórnun upplýsingakerfa. Nemendur verða kynntir fyrir tækni svo sem Azure Active Directory, Azure Information Protection og Windows Defender Advanced Threat Protection, svo og hvernig hægt er að nýta þau til að vernda tæki og gögn.

6. hluti: Office 365 Administrador  ► 50 kennslustd.

Nemendur öðlast þekkingu á Office 365 umhverfinu og öllu sem tengist innleiðingu, samþættingu og rekstri þessarar skýjalausnar frá Microsoft. Þá er farið í samþættingu á staðbundnum kerfum við Office 365 ásamt vöktun og bilanagreiningu.

7. hluti: Active Directory  ► 30 kennslustd.

Í þessum hluta læra nemendur að setja upp Active directory í serverumhverfi

8. hluti: Managing Microsoft Teams  ► 40 kennslustd.

Á þessu námskeiði læra nemendur hvernig á að stjórna Microsoft Teams í fyrirtækjaumhverfi. Farið er í innleiðingu, stjórnun, öryggi og samræmingu við Microsoft Teams, samþættingu milli Microsoft Teams ásamt vinnulags og þjónustu í Microsoft 365. Einnig er farið er í dreifingu á Microsoft Teams, uppfærslu frá Skype for Business, netstillingar og stjórnun endapunkta Microsoft Teams.

9. hluti: Verkefnadagar/lokaverkefni seinni annar ► 30 kennslustd.

Þegar komið er út á vinnumarkaðinn er mikilvægt að hafa hagnýta reynslu af viðfangsefninu. Í lok námsbrautarinnar er lagt fyrir nemendur yfirgripsmikið lokaverkefni þar sem tekið er fyrir það helsta sem farið hefur verið yfir í náminu.

Námsmat

Lokaverkefni er lagt fyrir nemendur í lok seinni annar.

Tímasetningar kennslu

Kennsla fer fram á þriðjudögum og fimmtudögum kl. 17:30-21:00 og valda laugardaga að auki frá kl. 9-16 (að meðaltali einu sinni í mánuði).

Staðnám eða fjarkennsla í beinni - þitt er valið!

Þetta námskeið er kennt hjá okkur í Skeifunni en hægt að taka þátt í fjarkennslu í beinni útsendingu. Það þýðir einfaldlega að þú getur tekið þátt í kennslustundinni algjörlega óháð staðsetningu. Hvort sem þú býrð á höfuðborgarsvæðinu og hefur ekki tök á að mæta í kennslustofuna, býrð úti á landi eða ert erlendis, það skiptir ekki máli.Við viljum vekja sérstaklega athygli á að hægt er að stunda bæði staðnám og fjarnám á sama námskeiðinu, þ.e. mæta stundum á staðinn og stundum vera á línunni, allt eftir því hvað hentar hverjum nemanda.

Nemendur upptökur af öllum kennslustundum í Microsoft Teams. Upptökurnar veita góðan stuðning við námið sem mun gagnast nemendum vel hvort sem námið er stundað í fjarkennslu eða í staðnámi.

Kynntu þér nánari upplýsingar um fjarkennsluna í beinni 

Mikilvægar upplýsingar

Greiðslur: Bjóðum upp á VISA/MasterCard staðgreiðslulán til allt að 36 mánaða. Einnig bjóðum við nú upp á vaxtalausar léttgreiðslur í allt að 6 mánuði.
Styrkir: Flest stéttarfélög/fræðslusjóðir niðurgreiða námskeið hjá Promennt. Styrkurinn fer eftir rétt hvers og eins og getur numið allt að 90% (hafa ber í huga að þetta er þó misjafnt eftir stéttarfélögum/fræðslusjóðum).
►Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

 

Flokkur Dags. Dagar Tími Verð