PROMENNT ehf.
Skeifan 11b, 2. hæð, 108 Reykjavík
promennt@promennt.is
s: 519 7550
Kt. 670300-2260
Tölvuskólinn iSoft-Þekking varð PROMENNT
Rekstur Tölvuskólans Þekkingar
færðist undir Tölvuskólann iSoft haustið 2008 og starfaði undir nafninu Tölvuskólinn iSoft-Þekking fram til ágúst 2011 þegar
nafninu var breytt í PROMENNT.
PROMENNT er fagmannlegt og framsækið fræðslufyrirtæki sem býður upp á hagnýta fræðslu fyrir byrjendur jafnt sem sérfræðinga. Markmið fyrirtækisins er að vera leiðandi í fræðslumálum (sí-/endurmenntun) í margvíslegum fagsviðum innan viðskiptafræðinnar ásamt í upplýsingatæknigeiranum. Kjarnastarfsemi PROMENNT er fjórþætt:
- Fræðsla / skóli
- Prófamiðstöð
- Stofuleiga
- Sérþjónusta fyrir fyrirtæki
PROMENNT býður upp á mjög fjölbreytt úrval námskeiða í viðskiptagreinum, tölvu- og upplýsingatækni fyrir byrjendur jafnt sem sérfræðinga. Við erum leiðandi á okkar sviði og leggjum mikinn metnað í að útskrifa nemendur með jafnt hagnýta sem og fræðilega þekkingu sem gerir þá eftirsóttari á vinnumarkaði. Helstu námsbrautir eru skrifstofunám, almenn tölvunámskeið, grafík, myndvinnsla og vefur og sérfræðinám (kerfisfræði, netstjórnun ofl). Ýmsum námskeiðum skólans, þar sem sérstakrar vottunar er þörf, lýkur með prófum og er þá í flestum tilfellum stuðst við stöðluð alþjóðleg próf.
Eina CPLS
fræðslufyrirtækið á Íslandi
Við erum mjög stolt af því að vera eina vottaða Microsoft fræðslufyrirtækið, eða CPLS, á Íslandi. CPLS stendur fyrir Microsoft
Certified Partner for Learning Solutions. Til að öðlast slíka viðurkenningu
þarf Promennt að uppfylla mjög ströng skilyrði Microsoft. Þar má nefna sérstaklega öflugan vélbúnað, sérsniðið
námsefni, úrvals aðstöðu og kennara með svokallaðar MCT gráður (Microsoft Certified Trainer).
PROMENNTstofuleiga rekur 10 fullbúnar tölvukennslustofur. Stofurnar eru sérlega vel útbúnar með nýjasta búnaði sem völ er á hverju sinni og má þar t.d. nefna að í um helmingi kennslustofanna er 24" skjáir fyrir nemendur ásamt fullkomnum fjarkennslubúnaði.
PROMENNTprófamiðstöð er vottuð prófamiðstöð fyrir tvær af stærstu prófamiðstöðvum heims: Prometric, sem prófar færni m.a. í kerfisfræði,netstjórnun, Cisco ofl. og Pearson VUE. Þar að auki er PROMENNT viðurkennd prófamiðstöð fyrir Toefl - próf sem notuð eru til að meta kunnáttu fólks í enskri tungu.
