Microsoft Partner Silver Learning

Eina CPLS fræðslufyrirtækið á Íslandi

Við erum mjög stolt af því að vera eina vottaða Microsoft fræðslufyrirtækið, eða CPLS, á Íslandi.

CPLS stendur fyrir Microsoft Certified Partner for Learning Solutions. Til að öðlast slíka viðurkenningu þarf Promennt að uppfylla mjög ströng skilyrði Microsoft. Þar má nefna sérstaklega öflugan vélbúnað, sérsniðið námsefni, úrvals aðstöðu og kennara með svokallaðar MCT gráður (Microsoft Certified Trainer).
 

Microsoft Certified Master

Promennt kappkostar að hafa ávallt á sínum snærum Microsoft sérfræðikennara með mikla reynslu úr atvinnulífinu auk þess sem þeir hafi MCT kennslugráðu frá Microsoft.

Við erum sérstaklega stolt af því að einn af okkar bestu kennurum, Guðni Þór Hauksson, hefur lokið masters námi í Active Directory Windows 2008 R2 sem haldið var í höfuðstöðvum Microsoft í Redmont  USA. Náminu lauk með þremur umfangsmiklum prófum sem gefa gráðuna „Microsoft Certified Master“.  Guðni er fyrsti Íslendingurinn sem lýkur þessu námi og er jafnframt níundi maðurinn í Evrópu utan raða Microsoft sem nær MCM gráðunni í Active Directory. Með þessari frammistöðu er ljóst að Guðni hefur skipað sér í hóp með þeim sem hafa yfirburða  þekkingu á innviðum Windows netþjóna, þekkingu sem stenst fyllilega ströngustu alþjóðlegar kröfur.