Almennt tölvunám

Fyrir hverja?

Þátttakendur þurfa að hafa lágmarksþekkingu á internetinu og að hafa sent og tekið á móti tölvupósti. 

Markmið

Markmið námskeiðsins er að þátttakendur öðlist hagnýta þekkingu í tölvuvinnslu sem nýtist jafnt í starfi sem heima og öðlist öryggi og færni í notkun helstu skrifstofuforritanna, Word, Excel og Outlook.

Að námskeiði loknu eiga þátttakendur að vera færir um að:

• Þekkja helstu skipanir Windows stýrikerfisins og meðhöndla skrár og möppur á réttan hátt.
• Nota ritvinnslu við öll helstu dagleg verkefni, ganga faglega frá skjölum í Word og vinna hraðar og af meira öryggi í ritvinnslu.
• Velja og meta flestar þær aðgerðir sem til greina koma við reikningslega úrlausn og uppbyggingu ásamt framsetningu verkefna í Excel.
• Leita sér upplýsinga á Netinu á markvissan og faglegan hátt og skilja helstu hættur sem geta steðjað þar að.
• Nota Outlook tölvupóst og skipulag jafnt heima sem á vinnustað.

Viðfangsefni

Á fyrsta degi námskeiðsins verður byrjað á kennslu á Teams og Office 365 og farið hratt yfir eftirfarandi grunnþætti til að auka öryggi þátttakenda:

• Grunnatriði vélbúnaðar og hugbúnaðar - allra nauðsynlegustu hugtök og skammstafanir útskýrð.
• Lyklaborðið fyrir lengra komna, helstu flýtilyklar.
• Notkun helstu fylgiforrita Windows.
• Aðlögun skjáborðs, bakgrunnur og skjáhvílur.
• File Explorer - Skráarvafri.
• Æfingar í allri skjalastjórnun og að búa til möppur
• Drif, geymslumiðlar og skýjalausnir.

Eftir að búið er að fara styrkja grunnatriðin með Windows tölvugrunninum eru eftirfarandi forrit tekin fyrir (smelltu á heiti til að fá nánari lýsingu):

• Word
• Excel
• Outlook (tölvupóstur og dagbók)

Námsefni

Eftirfarandi, rafrænar, kennslubækur á íslensku eru innifaldar í námskeiðisgjaldinu:

• Kennslubók í Word
• Kennslubók í Excel
• Kennslubók í Outlook

Námsmat

Ekki eru lögð fyrir formleg próf en mikil áhersla er lögð á að leiðbeinandi og þátttakendur fari sem oftast yfir það sem hefur áunnist til að ýta undir stöðugar framfarir.

Staðnám eða Fjarkennsla í beinni - þitt er valið!

Þetta námskeið er kennt hjá okkur í Skeifunni en athugið að einnig er hægt að taka þátt í Fjarkennslu í beinni útsendingu. Það þýðir einfaldlega að þú getur tekið þátt í kennslustundinni algjörlega óháð staðsetningu. Hvort sem þú býrð á höfuðborgarsvæðinu og hefur ekki tök á að mæta í kennslustofuna, úti á landi eða erlendis, það skiptir ekki máli.

Við viljum vekja sérstaklega athygli á að hægt er að stunda bæði staðnám og fjarnám á sama námskeiðinu, þ.e. mæta stundum á staðinn og stundum vera á línunni, allt eftir því hvað hentar hverjum nemanda.

Kynntu þér nánari upplýsingar um fjarkennsluna í beinni ►

Mikilvægar upplýsingar