Fornám í heilsu- og öryggismálum (FHÖ)

Forkröfur

Ekki eru gerðar sérstakar forkröfur fyrir þetta námskeið.

Markmið

Að loknu námskeiði skal nemandi þekkja og geta gert grein fyrir 0 – slysa nálgun og þeim tækjum og tólum sem til eru til ná því markmiði.

Enn frekar á nemandi að:

• geta gert grein fyrir tilgangi og mikilvægi vinnu við áhættugreiningar
• geta útskýrt vinnu við áhættuskimun og mikilvægi úttekta
• geta greint helstu áhrifavalda er leiða til frávika og atvika
• geta tilgreint þrjár tegundir forskoðana
• geta skilið eigin ábyrgð og hlutverk í öryggismenningu vinnustaða
• vita hverjir eru „krítikal 9“ þættir og þjálfunarkröfur
• tengja tilkynningar um frávik við virkt umbótastarf
• skilja nauðsyn skráninga atvika og rótargreininga
• vita að nauðsynlegt er að stoppa og spyrja frekar en að halda áfram án fullvissu
• þekkja  og skilur mikilvægi réttrar notkunar á hlífðarfatnaði og búnaði
• þekkja til helstu vinnuvistfræðilegra þátta sem hafa áhrif á andlega og líkamlega heilsu
• geta gert sér grein fyrir mikilvægi góðs húshalds og reglu á vinnustað
• vera virkur og jákvæður varðandi reglufylgni í heilsu og öryggismálum

Námsaðferð

Leiðbeinandi beitir mismunandi kennsluaðferðum, en lögð er áhersla á að nemendur fái tækifæri til að ræða saman og setja sig inn í mismunandi aðstæður á vinnusvæði.

Staðnám eða Fjarkennsla í beinni - þitt er valið!

Þetta námskeið er kennt hjá okkur í Skeifunni en athugið að einnig er hægt að taka þátt í Fjarkennslu í beinni útsendingu. Það þýðir einfaldlega að þú getur tekið þátt í kennslustundinni algjörlega óháð staðsetningu. Hvort sem þú býrð á höfuðborgarsvæðinu og hefur ekki tök á að mæta í kennslustofuna, úti á landi eða erlendis, það skiptir ekki máli.

Við viljum vekja sérstaklega athygli á að hægt er að stunda bæði staðnám og fjarnám á sama námskeiðinu, þ.e. mæta stundum á staðinn og stundum vera á línunni, allt eftir því hvað hentar hverjum nemanda.

Kynntu þér nánari upplýsingar um Fjarkennsluna í beinni ►

Matsaðferð og námsefni

Námsefni er í formi glærupakka frá kennara. Námsmat: próf, lágmarkseinkunn 8 (80%), mæting og virkni á námskeiðinu, mæting telst ekki gild ef þátttakandi mætir 60 mínútum eftir að námskeið er hafið. Staðbundið UHÖ þar sem þess er krafist.

Annað