Framabraut - Viðurkenndur bókari

1. HLUTI:  Bókhald grunnur

Markmið með fyrsta hluta námsins er að byggja upp góða undirstöðu, þekkingu og grunnþjálfun í bókhaldsvinnu. Kennslan sem fer fram bæði í staðkennslu og fjarkennslu í beinni og byggir að mestu leyti á verklegum æfingum með raunveruleg bókhaldsskjöl.  

Helstu viðfangsefni eru þessi:

• Verslunarreikningur, VSK reglur og skýrslur
• Bókhaldsgrunnur
• Tölvubókhald

Upprifjun í Excel - valkvætt aukanámskeið.

2. HLUTI: Bókaranám fyrir lengra komna

Kennslan fer fram bæði í staðkennslu og fjarkennslu í beinni og byggir að mestu leyti á verklegum æfingum með raunhæfum verkefnum.  

Helstu viðfangsefni eru þessi:

• Excel fyrir bókara
• Fjárhagsbókhald, upprifjun og flóknar færslur
• Vsk. uppgjör og leiðréttingarskýrslur
• Launabókhald, útreikningur launa, lífeyrissjóður og skattur
• Launamiðar, launaframtal og skil til skatts
• Afstemmingar, lokafærslur og skil á bókhaldi til endurskoðenda
• Uppsetning rekstrar- og efnahagsreikninga
• Lestur ársreikninga
• Fyrningar
• Inngangur að reikningshaldi

3. HLUTI: Skattskil einstaklinga með rekstur

Tekin verða fyrir helstu atriði er varða skattskil einstaklinga með atvinnurekstur, s.s. staðgreiðslu, tekjuskráningu, reikningaútgáfu, rekstrarkostnað og virðisaukaskatt (inn og  útskatt), skattskyldu og undanþágu. Fjallað verður um algengustu félgaformin (hlutafélög, einkahlutafélög, samlagsfélög og sameignarfélög)  og mismunandi ábyrgðir hluthafa / eigenda.  Einnig verður tekið fyrir lög um tekjuskatt, útfylling skattframtala einstaklinga og lögaðila, skattskyldar tekjur og tekjuskattstofn, helstu frádráttarliðir ásamt samskiptum við RSK.  Verklegar æfingar í útfyllingu skattskýrslna fyrir einstaklinga með rekstur.

Kennslan fer fram bæði í staðkennslu og fjarkennslu í beinni og byggir að mestu leyti á verklegum æfingum með raunhæfum verkefnum.

4. HLUTI: Viðurkenndur bókari - Lokahluti

• Reikningshald
• Upplýsingatækni
• Skattskil

Þessi hluti námsins hefst í ágúst 2021 og lýkur í desember 2021. Kennt er að jafnaði aðra hvora helgi; á fimmtudögum, föstudögum kl 16:30-19:30 og á laugardögum kl 9:00-12:30 (ath með fyrirvara um breytingar). Athugið að gert er ráð fyrir að nemendur taki með sér fartölvur í þennan hluta

MindManager með áherslu á verkefnastjórnun

Námskeið í MindManager fylgir með Framabraut - Viðurkenndur bókari. Í námskeiðinu er fjallað er um helstu notkunarmöguleika á MindManager hugbúnaðinum. MindManager byggir á aðferðafræði hugkorta og nýtist vel við hverskonar skipulag eða hugarflugsvinnu þar sem hugbúnaðurinn heldur utan um flæði upplýsinga á myndrænan hátt. Í námskeiðinu er farið yfir skipulagningu verkefna, meðhöndlun og innsetningu upplýsinga. Einnig eru kenndar flóknari aðgerðir forritsins, s.s. að vinna með hugarkort og að flytja gögn inn og út úr MindManager í önnur kerfi. Jafnframt munu þátttakendur fá tækifæri til að prófa sig áfram með aðgerðir sem munu nýtast þeim við störf sín, þá útreikning á verði og tíma. Kennslan sem fer fram bæði í staðkennslu og fjarkennslu í beinni. MindManager leyfi fylgir með.